1. सेव्हिंग्ज अकाउंट म्हणजे काय ?
ज्यांना आपल्या उत्पन्नातील काही भाग बचत करून ठेवावयाचा आहे अशांसाठी पैसे जमा करण्याचे सेव्हिंग्ज अकाउंट हे एक खाते आहे. बँक खात्याचा हा एक असा प्रकार आहे, जिथे तुम्ही तुमची रक्कम ठेवू शकता, त्यावर व्याज मिळवू शकता आणि शिवाय कोणत्याही वेळी त्यातून रक्कम काढू शकता. यात रोख रक्कम सहज ठेवण्याची सोय आहे.
2. ऑनलाइन पद्धतीने सेव्हिंग्ज अकाउंट कोणाला कसे सुरू करता येईल ?
ऑनलाइन सेव्हिंग्ज अकाउंट सुरू करण्याची प्रक्रिया साधी आणि बऱ्यापैकी सोपी आहे. आपल्या घरातल्या आरामदायी वातावरणातूनच तुमची ऑनलाइन बँक अकाउंट प्रक्रिया सुरू करण्यासाठी Click here. वैयक्तिकरित्या शाखेमध्ये येणे टाळण्यासाठी एचडीएफसी बँकत आपण व्हिडिओ KYC (Know Your Customer) सुविधेचा पर्याय देखील निवडू शकता.
3. सेव्हिंग्ज अकाउंट कोणत्या वेगवेगळ्या प्रकारची आहेत ?
एचडीएफसी बँकत वेगवेगळ्या प्रकारची सेव्हिंग्ज अकाउंट आहेत – सेव्हिंग्ज मॅक्स अकाउंट, डिजीसेव्ह युथ अकाउंट, विमेन्स सेव्हिंग्ज अकाउंट, सिनिअर सिटीझन सेव्हिंग्ज अकाउंट ही त्यापैकी काही नावे आहेत. वेगवेगळ्या गटातील ग्राहकांची गरज ओळखून ही अशी वेगवेगळ्या प्रकारची सेव्हिंग्ज अकाउंट तयार करण्यात आली आहेत.
4. सेव्हिंग्ज अकाउंटमध्ये कमीत कमी किती शिलकीची आवश्यकता असते ?
कमीत कमी आवश्यक असलेली शिल्लक किंवा मासिक सरासरी शिल्लक (Average monthly balance – AMB) ही ग्राहकाने कोणत्या प्रकारचे खाते निवडले आहे तसेच खातेदाराचे ठिकाण यावर अवलंबून आहे. उदाहरणार्थ, एचडीएफसी बँक रेग्युलर सेव्हिंग्ज अकाउंटमध्ये खाते उघडण्यासाठी सुरुवातीला मेट्रो / शहरी शाखांत कमीत कमी ₹ 7500 डिपॉझिट, निमशहरी शाखांत ₹ 5,000 आणि ग्रामीण भागातील शाखांत ₹ 2,500 असणे आवश्यक आहेत.
5. सेव्हिंग्ज अकाउंटवर व्याजदर किती आहे ?
सामान्यतः भारतातील बँक्स सेव्हिंग्ज अकाउंटवर 3.5% ते 7% दरम्यान व्याजदर दिले जाते. एचडीएफसी बँक सेव्हिंग्ज अकाउंटवर दिल्या जाणाऱ्या व्याजदराची कल्पना येण्यासाठी पुढील तक्त्याकडे लक्ष द्या.
सेव्हिंग्ज बँक बॅलन्स
· ₹ 50 लाख आणि त्यापुढे
· ₹ 50 लाखांपेक्षा कमी
11 जून 2020 पासून बदलण्यात आलेले दर
· 3.50 %
· 3.00%
नोंद घ्या :
सेव्हिंग्ज अकाउंटवरील व्याज हे आपल्या खात्यावरील कायम ठेवल्या जाणाऱ्या दैनंदिन शिलकीवर आकारले जाईल.
सेव्हिंग्ज अकाउंटवरील व्याज तिमाही पद्धतीने दिले जाईल
6. सेव्हिंग्ज अकाउंट मधून रक्कम हस्तांतर कशी करता येईल ?
आपल्या सेव्हिंग्ज अकाउंट मधून रक्कम हस्तांतर करण्याचे काही मार्ग आहेत. प्रथम, तुमच्या सेव्हिंग्ज अकाउंट मधून अन्य कोणाच्या खात्यात अगदी तातडीने पैसे हस्तांतर करण्यासाठी आपण आपल्या बँकिंगचे मोबाइल अ‍ॅप्लिकेशन वापरू शकता. डिजिटल पद्धतीने तातडीने आणि सोप्या पद्धतीने पैसे हस्तांतर करण्यासाठी नेटबॅंकिंग हा देखील एक पर्याय आहे. आपण वैयक्तिकरित्या बँकेच्या शाखेत देखील भेट देऊ शकता आणि तुमच्या बँक खात्यातून रक्कम हस्तांतर करू शकता.
7. एखाद्याने उत्तम सेव्हिंग्ज बँक अकाउंट कसे निवडावे ?
आपल्या वैयक्तिक गरजेला अनुसरून सेव्हिंग्ज अकाउंट निवडणे हे सर्वात महत्त्वाचे आहे. एचडीएफसी बँकमध्ये, आपण आमच्या ग्राहकांसाठी उपलब्ध असलेल्या विविध सेव्हिंग्ज अकाउंटची तुलना करू शकता आणि आपल्या गरजेनुसार जे सर्वोत्तम वाटेल त्याची निवड करू शकता. लक्षात घेण्यासारख्या सर्वात महत्त्वाच्या गोष्टी म्हणजे उपलब्ध असलेले व्याजदर, आवश्यक असलेली कमीत कमी मासिक शिल्लक आणि रोख पैसे काढण्यासंबंधी असलेल्या विविध आवश्यकता.
8. ऑनलाइन पद्धतीने सेव्हिंग्ज अकाउंट सुरू करण्यासाठी कोणत्या कागदपत्रांची आवश्यकता असते ?
एचडीएफसी बँक सेव्हिंग्ज अकाउंटसाठी अर्ज करताना पुढीस कागदपत्रे तयार ठेवणे आवश्यक आहे :
· ओळखपत्र (वाहन चालविण्याचा परवाना, पासपोर्ट इत्यादी.)
· रहिवासाचा दाखला (वाहन चालविण्याचा परवाना, पासपोर्ट इत्यादी.)
· पॅन कार्ड
· फॉर्म 16, हे अर्जदाराच्या कंपनीद्वारे जारी केलेले प्रमाणपत्र आहे, ज्यामध्ये तुमच्या पगारातून टीडीएस वजा करण्यात आला आहे, असे प्रतिपादन केलेले असते. अर्जदाराकडे पॅन कार्ड नसल्यास हे आवश्यक आहे.
· दोन अलिकडे काढलेले पासपोर्ट साइजचे फोटो
स्वीकारल्या जाणाऱ्या ओळख / रहिवासाचा पुरवा संबंधी कागदपत्रांची यादी पुढीलप्रमाणे.
· वैध पासपोर्ट
· भारत सरकारच्या निवडणूक आयोगाने जारी केलेले मतदार ओळखपत्र
· वैध कायम वाहन चालविण्याचा परवाना
· आधार
· NREGA द्वारे जारी करण्यात आलेले आणि राज्य सरकारच्या अधिकाऱ्याची स्वाक्षरी असलेले रोजगार प्रमाणपत्र
· नॅशनल पॉप्युलेशन रजिस्टरकडून मिळालेले पत्र ज्यामध्ये नाव आणि पत्त्याचा उल्लेख असेल
आधार, पॅन कार्ड आणि वापरात असलेला मोबाइल क्रमांक याद्वारे ऑनलाइन पद्धतीने खाते सुरू करणे सोपे आहे.
